Xwendevanên Hêja, ev dem û hemî demên we xweş û geşbin! Bê guman, mamoste, xwendevan, lêkolîner, nivîskar, rewşenbîr, sîyasetvan û hwd. hemî qadên civakê pêwistîya wan bi zanyarîya berya xwe heye. Gava zanyarî li ser dem û rewşên berê li ber destên meriv tunebe meriv di avakirin û xebata pîşeyîya xwe de tim kêm e, û tim rastê astengan tê! Cîyê daxê ye ku civaka kurd di vî warî de tim rastê astengên mezin hatîye. Ji ber hovîtîya dewletên mêtinkaran nikaribîye bi haweyek pêwist çand û dîroka xwe bide hev, ji nevîyên xwe re bihêle û bi haweyek pêwist jê sûd werbigire! Me dît ku di warê agadarîya dîroka kurd û Kurdistanê ya dûr û nêzîk te valayîyek mezin heye û me xwest ku li gor hêza xwe em di vî warî de xizmetek pêşkêşê gelê xwe bikin. Ji ber vê valayîya mezin, ev demek dirêje ku me li gor hêza û taqeta xwe di tora medyayê de dest bi civandin û weşandina ARŞÎVAKURDÎ kir. Ji ber karinîya me, niha…